أمي يا غلا الدنيا اهداء لجميع الأمهات

يا أمي يا غلا الدنيا
وأصدق عاطفه في الكون
وأدفـــا حضـــن يحضني
وأكبـــــر قلـــب يحـويني
أنا بــــك دنيتــي جنـــه
وبسماتك مطر ومزون
وضحكاتك ربيــع أخضر
زهــوره فتحــت فيني
إذا شفتــك أرى الدنيــا
صباح بالفرح مسكون
واذا غبتي عن عيوني
يغيب النور عن عيني
عشقتك والهــوى طفل
ربا في خافقي المفتون
كبر هذا الطفل واصبح
غرامه يسبــق سنيني
أنا يا أمي أنا يا أمي
ما أفيـك مهما يكـــون
جميلك دين في عمري
وربي بـك مــوصيني
ومهما عشت لك وافي
بظل الوافي المديون
لأنك روحي في قلبي
ودم فـــي شـــراييني

وكل العام وجميع الأمهات بألف خير